گئجه دی هاممی یاتیب، من آیا لای لای دیئیرم
آغلیرام صبحه کیمین، حالیمه وای وای دیئیرم

گوزلرین یاده سالیب، گوزلریمین یاشی آخیر
قلبیمین یاره سینه دوز باسیب آخ وای دیئیرم

عمرومون گئدیغی او گونلرینی یاد الیئیب
آغلایب، گاه دا گولوب، گاه دا کی های های دیئیرم

آیریلیخ گونلرینین دردینی تا باش دان آتام
باش قاتیب، من چالیشیب، عمرومه سای سای دیئیرم

گئجه یولدان یئتیشیر درد باشما خاروار اولور
دردیمین درد لرینه من گئنه ای وای دیئیرم

صبح اولوب، هاممی دوروب، رهگذر اما کی اویوب
اونون یاتماغی اوچون، من هله لای لای دیئیرم

Majid Rahgozar
( 26 دی ماه 1394 خورشیدی )